कहानिमें बाहुत बात सिखई| बो अपनों शिक्षामें उनसे अईसे कही: "सुनव 'देखओ, एक जनै बिज बोन बालो आदमी बिज बोनके निक्रो और बोएके देखि कुई बिज डगर में पडे और बिज चीरइं चुरगनि आएके खाए डारी| कुई बिज पत्थर बारे ठाँउमें पडे, जहाँ बहुत माटी नाए रहै, और माटीकी गहेराई ना हुईके, बे हल्दी जमिगए| घामु एक्दम् जोडसे नीक्रो पीछू पिङगा डुङ्गए, जर नहुइके बे सुक्गए| कुई बिज काँटोन् के बिचमे पढे| काँटो बढो और पेण निसास्दै, और बामे फरा ना लगे |पर् कोही बिज अच्छी जमिनमे पडे, और जमे और बाढके तीस गुना, साठ गुना, और सओ गुना फरा दई| ”और बो कहि, “जउनको सुनन कान है, बो सुनए| ”जब बो इकल्लो भाव, तओ बाहृ जनै चेला और बोके अस्पिस भए, बो उनसे कहनीके बारेमे पूछी| बो उनसे कहि, “परमेश्वर को राज्यको रहस्य तुमके दए गौहए, पर बहिर बरेनसे सब कहनीमें कएहै,की बे देखन त देखत है, तर देख नाए पाथै, सुन्न त सुनथै् ,तर बूझात नहए, नत बे पश्चाताप करते,और बिनको पाप छमा हुईतो| ” बो उनसे कही, “तुम जा कहनीको अर्थ बूझेनए? तओ और सब कहनी अर्थ कईसे बूझइगे? बिज बोनबारो बचन बोथै| कोई आदमी डगर में बोए भए बिज कता है| जब बे बचन सुन्थै् ,तओ तुरन्त शैतान अथए और बिन्मे बूओ बचन लैच्लो जाथए| अईसिकरके पत्थर बारे ठाँउमे बोए भए जेहि है, जउन जब बचन सुन्थै तओ खुशीसाथ तुरन्त बे गरहण करलेथै| तओ उनको अपनो जर नएलगो के करण थोरि देर तक खाली बे टिक्थै| तओ जब बचन को करण संकट अथबा सताबट अथए, तओ बे तुरन्त गिर जाथै्| काँटोके बिचमे बोए भाए जेहि है, जउन बचन सुन थए, तओ जा संसारको चिन्ता और धनको लोभ और चीजको लालच अएके बचनके निसास देथै,| तओ बे फलबन्त हुई नए पथए| तओ अच्छी जामिनमें बोए भए जेहि है, जउन बचन सुनत हए, और गरहण करथै, और फरा देथै तीस गुना, साठ गुना, और सव गुना|”
